Ang Barangay Basak San Nicolas nagpahigayon og data gathering subay sa DILG Memorandum Circular 2008-144 (Registry of Barangay Inhabitants) ilawom sa R.A. 7160 – The Local Government Code of 1991, uban pa nga balaod sa nasud, ug labaw sa tanan ang Data Privacy Act of 2012 (R.A. 10173) aron masiguro ang sekretong pagdumala sa personal nga impormasyon sa tanan natong lumulupyo.
Kini nga kalihukan tumong sa:
✔ Pagpalig-on sa seguridad ug proteksyon sa impormasyon sa mga residente
✔ Pagpaspas sa paghatag og serbisyo sumala sa Ease of Doing Business Act (R.A. 11032)
✔ Pag-update sa datos sa atong komunidad
House-to-House Data Gathering
Padayon ang pag-house-to-house sa atong mga Sitio Coordinators aron kolektahon ang impormasyon alang sa atong:
BARANGAY INFORMATION SYSTEM (BIS)
Usa ka computerized registration program nga nagtinipon sa impormasyon sa tanang lumulupyo gikan sa nagkalain-laing sektor, grupo, pamilya, o indibidwal sa komunidad.
BENEPISYO SA BIS REGISTRATION
Kadtong marehistro makadawat og:
⭐ LIBRENG BARANGAY ID
⭐ Mas dali nga pag-avail sa barangay services
⭐ Opisyal nga pagpamatuod kung ikaw nagpuyo o wala nagpuyo sa barangay
⭐ Pagka-ila nimo isip Lumad Basakanon
PANAWAGAN SA KOOPERASYON
Ginaawhag ang tanan nga lumulupyo sa Barangay Basak San Nicolas nga mo-kooperar sa maong kalihukan alang sa kaayohan ug kalamboan sa atong barangay.
Daghang Salamat!
