Sa pag-abot sa curfew hours, nagpadayon ang night roving sa Cluster 5, 6, 7, ug 8, nga gipangulohan nila Kap. Norman A. Navarro ug Kons. John Rama, uban ang atong mga barangay tanod.
Ang maong pag-roving dili pagpanghilabot, kundili usa ka pamaagi sa pagbantay sa kaluwasan ug paghipos sa mga kabatan-onan nga anaa pa sa gawas sa panimalay, naglaag o nagduwa og computer bisan gabii na.
Gina-awhag usab ang mga ginikanan nga kanunayng bantayan ug pahinumdoman ang ilang mga anak sa pagsunod sa curfew ug paglikay sa mga lugar nga mahimong delikado sa kagabhion.
Ang kaluwasan sa atong mga anak responsibilidad natong tanan. Magtinabangay kita isip usa ka komunidad alang sa malinawon, luwas, ug disiplinadong Barangay Basak San Nicolas. 🤝❤️
Daghang salamat sa atong mga barangay officials, tanod, ug volunteers sa ilang padayon nga pag-alagad ug pagpanalipod sa komunidad.
#BarangayBasakSanNicolas #CurfewRoving #CommunitySafety #BarangayTanod #ParaSaKaluwasan #SerbisyongBarangay
